"Бавария" ўз уйида қийин ғалабага эришди, Левандовски гол урди!

Германия Бундеслигаси 16-туридан ўрин олган "Бавария" - "Фрайбург" баҳси ўз ниҳоясига етди. Унда мюнхенликлар 2:1 ҳисобидаги қийин ғалабага эришди. 7-дақиқада Роберт Левандовски тезкор голи билан ҳисобни очиб берган бўлса, 62-дақиқада захирадан майдонга тушган Петерсон ҳисобни тенглаштирди. 75-дақиқада Саненинг пасидан сўнг Мюллер жамоасига ғалаба олиб келган голни урди ва ўйин қаҳрамонига айланиб олди.

Шу тариқа, ғалабага эришган "Бавария" очколари сонини 36 тага етказиб олди ва 1-ўринга мустаҳкам ўрнашиб олди. 2-ўриндаги "Лейпциг"да эса очколар сони 32 та.

• 90+6'
  

  Учрашув якунланди! "Бавария" ўз уйида қийин ғалабага эришди. Матнли трансляцияни Абдулла Маннонов олиб борди. Эътиборингиз учун раҳмат.

• 90+5'
  

  "Фрайбург" бурчакдан тўпни ўйинга киритиб берди, бироқ ноаниқ.

• 90+2'

  Ух қандай вазият! Хофлерда гол уриш учун ажойиб вазият юзага келганди, бироқ зарбага бироз аниқлик етишмади!!!

• 90+1'
  

  Қўпол подкати учун Шупо-Мотинг сариқ карточка билан огоҳлантирилди.

• 90+'
  

  Учрашув асосий вақтига 4 дақиқа қўшиб берилди.

• 90'
  

  "Бавария" бурчак тўпи тепади.

• 89'

  Лерой Сане жарима майдони ичида 3 ҳимоячини алдаб ўтиб, дарвозабон билан бирга-бир вазиятга чиқиб кетди ҳамда зарба берди, бироқ шу зарбагагина куч етишмади!!!

• 87'
  

  "Бавария" сафида 2 ўзгариш амалга оширилди: Мюллер ва Горецка ўрнига Шупо-Мотинг ҳамда Мартинез ўйинга қўшилди.

• 86'

  "Фрайбург" ҳимоячилари яхши ўйнаяпти. "Бавария"нинг ҳужумлари бесамар кетмоқда.

• 84'
  

  "Бавария" тўпни ўйинга киритиб беради. Бурчакда Толиссо.

• 83'

  Тўп назорати: 62-38! "Бавария" яққол устунликда.

• 81'
  

  Ҳимоячиларнинг фаоллигидан сўнг яна бир бор тўп бурчакдан ўйинга киритиб берилади. Бу сафар Толиссо.

• 80'
  

  "Бавария" бурчакдан тўпни ўйинга киритиб беради.

• 79'
  

  Роберт Левандовски зарба позициясидан туриб ажойиб зарба беришга муваффақ бўлди, бироқ дарвозабон уни қайтарди!

• 76'
  

  "Бавария" сафида 2 ўзгариш амалга оширилди: Киммих ўрнига Толиссо, Коман ўрнига эса Мусиала ўйинга қўшилди.

• 74'
  

  ГООООООООООООООЛЛЛ!!! "Бавария" ҳисобда олдинга чиқиб олди! Саненинг жарима майдони ичида узатган тўпини Мюллерга дарвозага жойлаб қўйди! 2-1!

• 70'

  Киммих голли вазият юзага келтирди, бироқ ҳимоячилар фаол ўйнади!

• 67'

  Кингсли Команнинг жарима майдони ичига узатган тўпини ҳимоячилар узоқлаштирди.

• 65'
  

  "Бавария" бурчакдан тўпни ўйинга киритиб беради.

• 63'
  

  ГОООООООООООООЛЛЛ!!! Захирадан ўйинга қўшилган Петерсон илк зарбаси билан дарвозани ишғол қилди ва ҳисобни тенглаштирди! 1-1!

• 62'
  

  "Фрайбург" сафида 3 ўзгариш амалга оширилди: Кублер, Шаллаи ва Демирович ўрнига Темпельманн, Холер ҳамда Петерсон ўйинга қўшилди.

• 61'
  

  Бурчак тўпини бу сафар "Фрайбург" амалга оширади.

• 61'
  

  Навбатдаги бурчак зарбаси. "Бавария" уни ижро этади.

• 60'

  Левандовски дарвозага ўта чиройли зарба берди! Бироқ унинг узатмаси дарвоза тўсини устидан ўтиб кетди!

• 59'
  

  Киммих бурчакдан тўпни ўйинга киритиб беради.

• 58'

  Саненинг узатмасини ҳимоячилар ташқарига чиқариб юборди. Бурчак тўпи.

• 55'
  

  Амир Абраши ўйинни давом эттира олмайди. Унинг ўрнига Яник Хабере майдонга тушди.

• 53'
  

  1-бўлим бошида мажбурий ўзгариш сабаб майдонга тушган Амир Абраши майдонда тиббий ёрдам олмоқда. У яна захира ўриндиғига қайтади шекилли.

• 51'

  Киммихнинг қанотдан жарима майдони ичига узатган тўпини ҳимоячилар бир амаллаб узоқлаштирди.

• 49'

  Томас Мюллер жарима майдони ичига ёриб кирди, бироқ ҳимоячилар томонидан тезда тўхтатилди.

• 47'
  

  "Фрайбург" аъзоси Роланд Шаллаи қизишиб кетди ва сариқ карточка олди.

• 46'
  

  2-бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+3'
  

  1-бўлим якунланди. Танаффус.

• 45+2'
  

  Горецка бурчакдан тўпни ўйинга киритиб беради. Муваффақиятсиз.

• 45+'
  

  Биринчи бўлимга 2 дақиқа вақт қўшиб берилди.

• 44'

  Умумий зарбалар: 12-3!

• 43'

  Кингсли Коман жарима майдони ичига ёриб кирди, бироқ Санега пас беришни эплай олмади.

• 41'

  Кристиан Гюнтерьнинг зарбаси Нойер дарвозаси устидан ўтиб кетди.

• 38'

  Паварнинг узатмаси аниқ чиқмади. Тўп "Фрайбург"да.

• 36'
  

  Левандовскининг уринишидан сўнг тўп яна бурчакка чиқди. Киммих уни яна бир бор ўйинга киритиб беради.

• 35'
  

  Бурчак тўпи. Жошуа Киммих уни ижро этади.

• 34'

  Леон Горецка жарима майдони ичига тўпни ҳаволатиб етказиб берди, бироқ ҳимоячилардан бири тўпни боши билан узоқлаштирди.

• 33'

  Боатенгнинг узатмаси анча кучли чиқди. Левандовски уни эгаллай олмади.

• 31'

  Саненинг ажойиб зарбаси дарвозанинг чап устуни ёнгинасидан ўтиб кетди! 

• 29'
  

  Гнабри заҳирага олинди. Ханс Дитер-Флик унинг ўрнига Лерой Санени майдонга ташлади.

• 28'
  

  Серж Гнабри майдонда тиббий ёрдам олмоқда. Унинг жароҳати жиддийлиги боис, катта эҳтимол билан ўйинни давом эттира олмайди.

• 27'
  

  "Бавария" бурчакдан тўпни ўйинга киритиб беради.

• 25'
  

  Гнабрининг деярли голга айланган пасини дарвозабон қайтарди! Ажойиб

• 23'

  "Бавария" футболчилари бир-бирига аниқ узатмаларни амалга оширган ҳолда ўйинни назорат қилишмоқда.

• 20'

  Лукас Кублернинг паси бутун майдон бўйлаб кесиб ўтди, бироқ унга эга чиқувчи футболчи топилмади.

• 16'

  Гнабрида ажойиб вазият юзага келди. Бироқ унинг зарбаси дарвоза устунига тегиб майдонни тарк этди!

• 14'

  "Фрайбург" аъзоси Лукас Кублерда ажойиб вазият юзага келган эди, бироқ Нойер тўпга чиқиб келишда адашмади.

• 12'

  Кингсли Команнинг жарима майдони ичига узатган тўпини ҳимоячилар узоқлаштирди.

• 10'

  Команнинг жарима майдони ташқарисидан берган зарбаси блокланди, тўп рақибларда.

• 9'
  

  Николас Хефлер сариқ карточка олди.

• 7'
  

  ГОООООООООООООООЛЛЛ!!! Мюллернинг ажойиб пасидан сўнг Левандовски тўпни дарвозага жойлаб қўйди! 1-0!

• 6'
  

  "Фрайбург"да илк дақиқаларданоқ мажбурий ўзгариш: Баптист Сантамария ўрнига Амир Абраши ўйинга қўшилди.

• 5'

  Томас Мюллер жарима майдони ичига идеал узатма амалга оширди, бироқ ҳимоячилар ҳужумчиларга зарба учун имконият қолдирмади.

• 4'
  

  "Фрайбург" футболчиси Баптист Сантамария майдонда тиббий ёрдам олмоқда. Илк дақиқалардан жароҳат шекилли...

• 3'
  

  Ҳакам бурчакни кўрсатди. "Бавария" бурчак тўпи тепади.

• 2'

  Гнабри рақиб ҳимоячиси билан тўқнашиб кетди.

• 1'
  

  Учрашув бошланди!

• 0'

  Футболчилар майдонга тушишмоқда. Ўйин старт олиш арафасида.

• 0'

  Ассалому алайкум, қадрли футбол ихлосмандлари! Бундеслига 16-туридан ўрин олган "Бавария" - "Фрайбург" баҳси бошланиш арафасида. Сайтимиз уни сизга матнли кўринишда тақдим этади. Матли трансляцияни Абдулла Маннонов олиб боради.