«Бавария» президенти «Реал»нинг Олисега қизиқиши ҳақидаги миш-мишлар фонида Флорентино Пересга жавоб берди

«Бавария» президенти Герберт Хайнер мадридлик «Реал» раҳбари Флорентино Переснинг мюнхенликлар ҳужумчиси Майкл Олисега бўлган эҳтимолий қизиқиши ҳақида тарқалаётган хабарларга муносабат билдирди.
 

«Агар Флорентино Перес Олисе бўйича бизга таклиф бермоқчи бўлса, у ҳалигача бундай қилгани йўқ, ўзини бефойда ҳаракатлардан асраса бўлади.

Майкл Олисе — «Бавария» футболчиси, у билан узоқ муддатли шартномамиз бор. Биз футболчи сотишга ихтисослашган клуб эмасмиз», — дея Хайнернинг сўзларини келтиради BILD нашри.
 

Бундан аввал мадридлик «Реал» президенти номаълум футболчи учун 150 миллион евро миқдорида таклиф беришини маълум қилган эди. Ортидан AS нашри ёзишича, ушбу футболчи айнан Олисе экани айтилган, гарчи Перес ўзи бу футболчи Олисе эмаслигини алоҳида таъкидлаган бўлса-да.