"Bavariya" qaysarlik qilmoqda
"Bavariya" rahbariyati jamoa himoyachisi Dayo Upamekanoning sotilmasligini e’lon qildi.
"Sky Sport Deutschland" tarqatgan xabarga ko‘ra, myunxenliklar "Yuventus" yulduzi Matteys de Lixtni sotib olmaguniga qadar Dayoni boshqa klubga qo‘yib yubormoqchi emas. Katta ehtimol bilan, bu kelasi mavsum sodir bo‘lishi mumkin.
O‘z navbatida, "Chelsi" Upamekano xizmatiga jiddiy qiziqish bildiryapti. Londonliklar jamoani tark etgan Antonio Ryudiger hamda Andreas Kristensen o‘rniga munosib variant izlamoqda.
23 yoshli himoyachi "Bavariya" safiga mavsum avvalida "Leyptsig"dan kelib qo‘shilgan va bu vaqt oralig‘ida 38 ta o‘yinda maydonga tushgan.
Fikrlar