"Бавария" собиқ футболчиси: "Барселона" дунёдаги энг зўр клуб

"Барселона" ярим ҳимоячиси Артуро Видаль бугун бўлиб ўтадиган УЕФА Чемпионлар Лигаси чорак финал баҳси олдидан ўз фикрларини билдириб ўтди.

"Мен баъзи бўлмағур гапларни эшитиб қолдим. Уларга эътибор ҳам бермайман. "Бавария" футболчиларини яхши биламан. Менимча, улар ҳам англаб турибди: эртага қаршиларида Бундеслига клуби эмас, дунёнинг энг зўр клуби - "Барселона" бўлади. 

Мухлисларни тушунаман, биз лигада ўз ўйинимизни намойиш эта олмадик. Аммо бунинг "Бавария"га қарши беллашувга таъсири бор, деб ўйламайман. Бизда Месси ва бошқа дунё классидаги футболчилар бор. Шунинг учун ҳам бемалол айта оламанки, биз дунёнинг энг зўр клубимиз", - дейди чилилик футболчи.