Ads

Бременнинг "Вердер" клуби ҳужумчиси Макс Крузе "Бавария" ва "Ливерпул"нинг қизиқишлар доирасига кириб қолди. Бу ҳақда Sport1.de нашри хабар тарқатмоқда.

Юқоридаги манбаага кўра юқорида номлари тилга олинган ҳар иккала жамоа ҳам 31 ёшли германиялик футболчини яқинлашиб келаётган ёзги трансферлар даврида ўз сафига қўшиб олишга уруниб кўрмоқчи. Қайд этиш лозимки, Крузе ёзда эркин агентга айланади ва у янги жамоаси сафига мутлақо текинга бориб қўшилиши мумкин.

Маълумот учун, Крузе жорий мавсум “Вердер” сафида жами 36та ўйинда майдонга тушди ва 12та гол ҳамда 14та ассистга муаллифлик қилди.