“Бавария” юлдузи “Челси” устозини менсимади

“Бавария”дан кетиши аниқ бўлиб улгурган Давид Алаба “Челси” бош мураббийи Томас Тухель билан Лондон клубига ўтиш борасида шахсан гаплашиб олди.

Германиялик мутахассис австриялик универсал ҳимоячини ўз жамоасига келишга кўндиришни истаган эди. Бироқ, 28 ёшли футболчи Тухелнинг таклифини қабул қилмади.

Маълумотларга қараганда, Давид Алаба фаолиятини Испания чемпионатида давом эттиришни истаётгани боис, Тухелга рад жавобини берган.

Давид Алаба “Бавария”даги 11 йиллик фаолияти давомида тўққиз бор Германия чемпиони, олти марта мамлакат кубоги ва беш маротаба Суперкубок соҳиби бўлди. Шунингдек, икки мартадан Европа Чемпионлар лигаси ва Суперкубоги, клублар ўртасидаги жаҳон чемпионати бош совринларини ҳам қўлга киритди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар