“Бавария”да энди ҳеч ким 5-рақамда ўйнамайди

“Бавария” раҳбарияти жамоанинг ҳеч бир футболчисига 5-рақам берилмаслигини расман эълон қилди.

Мюнхенликлар клуб афсонаси Франц Беккенбауэр хотирасини ҳурматлаш мақсадида у ўйнаган бешинчи рақамни истеъмолдан чиқарди.

Франц Беккенбауэр XX асрнинг энг зўр ҳимоячилариан бўлган. У 1964-1977 йиллар давомида “Бавария” шарафини ҳимоя қилган.

Германия миллий терма жамоаси сафида 1972 йили Европа ва 1974 йили жаҳон чемпиони бўлган.

Немис футболи тарихида чуқур из қолдирган Франц Беккебауэр 2024 йилнинг 7 январь кун ҳаётдан кўз юмган эди.

“Бавария” клуби тарихида 5-рақамда ўйнаган охирги футболчи сифатида франциялик легионер Бенжамин Павар қоладиган бўлди. Павар 2019-2023 йиллар давомида “Бавария”да тўп тепган.