"Бавария"нинг янги аъзоси Осиё турнесини ўтказиб юборадиган бўлди
“Бавария” ҳимоячиси Рафаэл Геррейрога ўнг оёқ болдир мушаги йиртилгани ташхиси қўйилди. Португалиялик футболчи бир кун аввал машғулот пайтида жароҳат олган эди.
29 ёшли футболчи узоқ муддат сафдан чиққан. Шу сабабли у клубнинг душанба куни бошланадиган Осиё турнесини ўтказиб юбориши кутилмоқда.
Эслатиб ўтамиз, Геррейро “Бавария” сафи бундан бир ой олдин эркин агент сифатида кўчиб ўтган эди. У бунгача Дортмунднинг “Боруссия” клубида ўйнаган.
Комментарии