Бахтиёр Ашурматов: Афсуски, мухлисларимиз ишончини оқлай олмадик

Хабарингиз бор бугун Суперлиганинг 3-турида “Бухоро” ўз майдонида “Қизилқум”ни қабул қилди ва 1:1 ҳисобида дуранг қайд этди.

Ўйиндан сўнг ўтказилган матбуот анжуманининг иккинчи қисмида мезбонлар устози Бахтиёр Ашурматов иштирок этди ва ўзининг ўйин ҳақидаги фикрларини билдириб ўтди.

“Ўз майдонимиздаги дастлабки ўйинда жамоамиз мухлислари учун ғалаба қозониш мақсадида ҳаракат қилдик. Афсуски, мухлисларимиз ишончини оқлай олмадик. Иккинчи бўлимдаги нурсиз ўйинимиз учун ишқибозлардан узр сўрайман. Биринчи бўлимда йигитлар ёмон ҳаракат килишмади, жамоамиз таркибидаги футболчиларнинг жисмоний ҳолати бир хил эмас. Мавсумга тайёргарлик жараёнида таркиб билан муаммоларимиз бор эди. Мураббий сифатида шуни айтаманки, биз ўз мақсадимиз сари олға бораверамиз, йўқотилган муҳим очколаримизни келгуси турларда қўлга киритишга ҳаракат қиламиз”, - дея мураббийнинг сўзларидан иқтибос келтиради ПФЛ матбуот хизмати.