Бахтиёр Ашурматов: Жуда ҳам қимматли бўлган икки очкони йўқотдик

Coca Cola суперлигаси 14-тур доирасидаги "Бухоро" - "Қўқон-1912" учрашувидан кейинги матбуот анжуманининг биринчи қисмида қўқонликлар устози Бахтиёр Ашурматов иштирок этди. Бу ҳақда клуб матбуот хизмати хабар берди.

- Гапнинг очиғи, жуда аламли дуранг бўлди. Сўнгги дақиқаларда бироз эътиборни йўқотдик ва бу хато бизга қимматга тушди. Майдонда сон жиҳатдан ҳам, ўйин жиҳатидан ҳам устунлик қилаётгандик. Афсуски футболда дақиқалар ва сониялар ҳам кўп нарсани ҳал қилади. Охирида гол ўтказиб юбордик. Натижада жудаям қимматли очколарни қўлдан бой бердик. Сабаби бизни яқин рақобатчиларимиздан бири бўлган "Насаф" кеча ғалаба қозонди. Биз ғалабани кўзлаган ҳолда майдонга тушгандик, дуранг натижа қайд этилди. “Бухоро” охиригача курашди ва ўзи учун қимматли очколарни қўлга киритди. Уларнинг АГМК жамоаси билан ўйинларини кўриб чиққандик. Рақиб ҳар бир ўйинда сўнгги жангга чиққандек ҳаракат қиляпти. Ҳар икки жамоа футболчиларига жанговар ўйин учун раҳмат айтаман.

Ўйин охирида гол киритганимизда бугун ҳам ғалаба қозонишимизга ишонаётгандим. Чунки сўнгги учрашувларда айнан учрашув якунланиши арафасида йигитларимиз характер кўрсатиб, гол киритишаетган ва ғалаба қозонаётгандик. Бугун эса футболда олдиндан хурсанд бўлмаслик лозимлигини ўйин кўрсатиб берди. Футбол шундай ўйинки, сўнгги сонияларда ҳам барчаси ўзгариб кетиши мумкин, - деди мураббий.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Расулжон Тоштемиров
11/09/2020 21:44
Аламли дуранг майли булиб туради йигитлар энди бардам булинг КУКОНЖОН омад ёр булсин Кокон

Минбар

Барча блоглар