Бахтиёр Ашурматов: Ўйин савиясини яхши, деб айта олмайман

Бугун "Қўқон-1912" жамоаси Тошкент шаҳридаги "Тўқимачи" майдонида "Нефтчи" клуби билан назорат ўйинида майдонга тушди. Ушбу баҳсдаги (1:0) ғалабадан сўнг, қўқонликлар устози Бахтиёр Ашурматов ўз фикрлари билан ўртоқлашди:

"Ўйин тайёргарлик жараёнимиздаги дастлабкиси эди. Шунинг учун, ўйлаган кўп ишларимиз ўхшамади. Футболчиларни кўриб олиш имконияти пайдо бўлди. Майдон ҳолати ҳам оғир. Ўйин савиясини яхши, деб айта олмайман. Биринчи ғалаба учун йигитларга раҳмат айтаман. Ўйлайманки, янги келиб қўшилган футболчилар тез орада жамоага қўшилиб кетади. Янги мавсумда ҳам жанговар таркибни туза оламиз. 

"Нефтчи" клуби ўз олдига жиддий мақсадларни қўймоқда. Таркибида бир қатор Суперлига вакиллари: Шерзод Каримов, Аъзам Алиев, Абдулазиз Юсупов каби футболчилар мавжуд. Янги мавсумда фарғоналиклар Про-лига чемпионлиги учун асосий даъвогар. 

Янги футболчилар ҳақида аниқ фикр билдириш қийин. Мўмин Белиев, Фарҳод Бекмуродов ва Элдор Адҳамов жамоада қолиши аниқ бўлган. Қолган футболчиларни назоратдан ўтказяпмиз. Селекция ишлари давом этмоқда", - деди Ашурматов.