Бахтиёр Ашурматов: "Сурхон" ғалабани кўпроқ хоҳлади"

“Сурхон” – “Қўқон-1912” (1:0) жамоалари ўртасидаги учрашувдан сўнг, меҳмонлар устози Бахтиёр Ашурматов ўз фикрларини қуйидагича билдирди.

- Бугун олти очколик ўйин эди. Тан олиш керак, охирги 10-15 дақиқани ҳисобга олмасак, “Сурхон” жамоаси иштиёқи кўпроқ, якка курашларда кучлироқ, ғалабага чанқоқ ҳолда ўйнади.

Йигитларимизга бу учрашув биз учун муҳим эканини таъкидлагандим. Лекин “Сурхон” юқорида айтган хислатлар бўйича кучлилик қилди. Ўйлайманки, улар ғалабани кўпроқ хоҳлашди ва шу сабабли ютуққа эришишди.