Байер "Байер"га ўтиши мумкин

"Челси" ва "Астон Вилла" Максимилиан Байер учун "Хоффенхайм"га таклиф билан чиқишди.

Журналист Флориан Плеттенбергнинг ёзишича, 21 ёшли ҳужумчи учун Леверкузеннинг "Байер" ва яна икки Европа клуби ҳам даъвогарлик қилмоқда.

Қайд этилишича, Байер ҳеч қайси жамоа билан оғзаки келишувга эга эмас ва у яқин икки ҳафта ичида бир қарорга келади.

Футболчининг шартномасида товон пули 30 миллион еврони ташкил қилади.

Ўтган мавсум Байер "Хоффенхайм" сафида 33 та ўйин ўтказиб, 16 та гол ва 1 та голли узатмани амалга оширган.