"Байер" Европа лигасида рекорд ўрнатди

Леверкузеннинг "Байер" клуби ўз номини Европа лигаси тарихига муҳрлаб қўйди.

Opta статистик портали тарқатган хабарга кўра, “доришунослар” Европа лигасининг гуруҳ босқичидан ўрин олган 6 та баҳсида рақиблари дарвозасига жами 21 та гол киритди. Бу Европа лигасида иштирок этган немис клублари учун янги рекорд бўлди.

"Байер" бу борада "Вердер" (2009/10) ҳамда "Айнтрахт" (2018/19) томонидан ўрнатилган рекордларни янгилади. Ушбу икки немис клуби Европа лигаси гуруҳ босқичининг 6 та турида жами 17 та гол уришга муваффақ бўлган.