"Байер" ҳужумчиси билан шартномани янгиламоқчи

2023 йилда "Юнион"дан "Байер" таркибига келиб қўшилган Виктор Бонифейс жамоада қолиши кутилмоқда. Бир нечта топ клублар эътиборига тушган ҳужумчи Леверкузен жамоаси билан шартномасини янгилаши мумкин. 

"Sky Sports" нашри хабар беришича, томонлар ўртасида янги битим борасида музокаралар олиб бориляпти. Клуб у билан 2029 йилгача амал қиладиган шартнома бўйича деярли келишиб олган. 

Эслатиб ўтамиз, футболчи ушбу мавсум "Байер" таркибида 15 та ўйинда майдонга тушиб, 8 та гол уришга муваффақ бўлди. Шунингдек, битта ассист ҳам амалга оширди.