Бектемир Мелиқўзиев жангдан олдинги дастлабки текширувдан ўтди

Профессионал боксчимиз Бектемир Мелиқўзиев 30 январь куни навбатдаги жангини ўтказишидан хабарингиз бор. У машҳур россиялик чармқўлқоп устаси Сергей Ковалёвга қарши рингга кўтарилади. Ушбу тўқнашув Москва шаҳридаги "Лужники" аренасида бўлиб ўтади. 

Муҳим жангдан олдин бир қатор тадбирлар ва текширувлар ўрин олади. Жумладан, допингга, коронавирусга тест топшириш, вазн ўлчаш, кўз уриштириш ва матубот анжуманларини айтиб ўтиш мумкин. Бектемир ҳам айнан шундай тадбирларнинг дастлабкисидан ўтди. Яъни, WADA қонун-қоидаларига мувофиқ, допингга тест топширди. 

Маълумот учун, Мелиқўзиев профессионал йўналишда 6 та жанг ўтказиб, барчасида ғалаба қозонган ва уларнинг 5 тасини муддатидан аввал якунлаган.