Бектемир Мелиқўзиев вазнида чемпионлик жанги белгиланишга яқин

Таниқли журналист Жулиус Жулианиснинг хабар беришича, IBF супер ўрта вазн тоифаси чемпиони Ослейс Иглесиас 8 октябрь куни Квебекда даниялик Оливер Зарен билан тўқнаш келади.

Зарен (19-0-1, 8 КО) шу пайтга қадар фаолиятининг асосий қисмини ўз мамлакатида чекланган рақиблар билан ўтказган. Унинг хориждаги ягона жанги Испанияда бўлиб ўтди ва унда Оливер Европа чемпионлиги учун кичик Хосе Луис Наварро билан жангда дурранг қайд этди. Кубалик Иглесиас эса охирги жангида Павел Силягин устидан ғалаба қозониб, IBF чемпионига айланди.

Эслатиб ўтамиз, IBF нинг супер ўрта вазн тоифаси рейтингида ҳамюртимиз Бектемир Мелиқўзиев 6 ўринни эгаллаб турибди.