Бектемир Мелиқўзиевнинг жанги уч раунд давом этди

Профессионал бокснинг супер ўрта вазн (-76,2 кг) тоифасида ўз жангларини ўтказадиган Бектемир Мелиқўзиев (6-0, 5 КО) бир неча соат аввал, ўзининг навбатдаги жангини мексикалик Aлан Кампага (17-6, 11 КО) қарши ўтказди.

Жангда катта устунликка эришган ҳамюртимиз, 2-раундда рақибини нокдаун ҳолатига ҳам тушириб қўйди. 3-раундда эса, Бектемирнинг кетма-кет кучли зарбаларидан сўнг, мексикалик боксчи нокаут ҳолатига тушди. Шу тариқа, Мелиқўзиев профессионал боксдаги 6-ғалабасини қўлга киритиш баробарида WВО Интер-Континентал камарига ҳам эга чиқди.