Бекхэм: Футболчилик пайтимда унга қарши икки марта майдонга тушганман...

Девид Бекхэм нима сабабдан Мессини "Интер Майами"га олиб келганини тушунтириб берди.

"Гап Леонинг футбол дунёсига бўлган таъсири ҳақида кетмоқда. У ёш авлодни илҳомлантириш салоҳиятига эга. Бу уни олиб келишимизнинг асосий сабабларидан бири. 

Албатта, мен ҳам у билан шартнома имзолашни истардим. Сабаби, у қандай футболчи ва инсон эканлигини билардим. Футболчилик пайтимда унга қарши икки марта майдонга тушганман ҳамда унинг ўйинларига ишқибоз бўлиб қолганман.

Мен ҳар доим футбол тарихидаги энг яхши ўйинчини жамоамизга таклиф қилишни режалаштирганман. Бахтимизга ҳаммаси муваффақиятли якунланди.

Ҳа, ҳамманинг ўзига яраша фикри бор. Йиллар давмида бир қанча футболчилар мухлислар олқишига сазовор бўлди. фикримча, Месси - идеал футболчи", - дейди "Интер Майами" клуби эгаси.