Бекхэм мундиалнинг асосий фаворитларини айтди

"Интер Майами" клуби ҳамсоҳиби Дэвид Бекхэм жаҳон чемпионати давом этаётган бир пайтда мусобақа фаворитлари ҳақида ўз фикрини билдирди.

Унинг таъкидлашича, у анъанавий равишда Англия терма жамоасини қўллаб-қувватлайди. Шу билан бирга, Франция жуда кучли таркибга эга эканини қайд этди. Бекхэмнинг фикрича, Испания, Аргентина ва Бразилия терма жамоаларини ҳам ҳисобдан чиқариб бўлмайди.

"Уларнинг таркибида Ламин Ямаль, Килиан Мбаппе, Лео Месси, Криштиану Роналду ва Неймар каби юлдузлар бор. Бу чемпионатга янада кучли қизиқиш ва интрига қўшади", — дея Бекхэмнинг сўзларини келтиради Variety нашри.

Эслатиб ўтамиз, тўрт йилда бир марта ўтадиган ушбу нуфузли мусобақа 11 июнда старт олган бўлиб, 19 июлга қадар давом этади.