Беларусь чемпионати. "Энергетик-БГУ"нинг ғалабасиз серияси давом этди

Бугун Беларусь чемпионатида 14-тур ўйинлари давом эттирилди. Ҳамюртларимиз Жасур Яхшибоев ҳамда Шаҳбоз Умаров фаолият олиб борадиган "Энергетик-БГУ" клуби бу тур сафарда "Динамо" Минск жамоаси меҳмони бўлди ва 0:0 ҳисобида дуранг ўйнади.

Яхшибоев 90 дақиқа майдонда тўп сурган бўлса, Умаров 73-дақиқада захирага олинди. Шу тариқа, "талабалар"нинг ғалабасиз серияси 4 та ўйинга етди.

Беларусь чемпионати. 14-тур

"Динамо Минск" - "Энергетик-БГУ" 0:0.