Беларусь чемпионати. Яхшибоев гол урди, "Энергетик-БГУ" пешқадам
Бугун Беларусь чемпионатида 3-тур баҳслари давом эттирилмоқда. Ҳамюртларимиз Жасурбек Яхшибоев ҳамда Шаҳбоз Умаров фаолият олиб борадиган "Энергетик-БГУ" клуби ўз майдонида "Минск" клубини қабул қилди ва 2:0 ҳисобидаги ишончли ғалабани қўлга киритди.
Дастлабки гол 21-дақиқада киритилди. Яхшибоевнинг зарбасидан сўнг дарвозабон тўпни қайтарди. Қайтган тўпга эса Алексей Носко биринчи бўлиб етиб келиб, ҳисобни очди. Ҳакам томонидан қўшиб берилган иккинчи дақиқада Жасур рақиб дарвозасини ишғол этиш орқали ҳисобни 2:0 кўринишга келтирди.
Яхшибоев майдонда тўлиқ 90 дақиқа ҳаракатланган бўлса, Умаров 74-дақиқада захирадан майдонга тушди. Шу тариқа, "Энергетик-БГУ" ҳисобидаги очколар сони 9 тага етди ва жамоа турнир жадвалида яккапешқадамга айланиб олди. Бугун яна иккита баҳс бўлиб ўтиши режалаштирилган.
Беларусь чемпионати / 3-тур
16:00 "Энергетик-БГУ" - "Минск" 2:0 #Тугади
Голлар: Алексей Носко (21), Жасур Яхшибоев (90+2)
"Энергетик-БГУ": Д.Садовский, Носко, Атеменге (Умаров 74), Шкурдюк, Сокол, Яхшибоев, Мавату, Свирепа, Мусаханян, Тве, Гирс (Юдчиц, 46).
Захира: Лесько, Мирошников, Диас, Совпель, Бакич.
"Минск": Леонов, Шрамченко, Хвашинский, Грибовский, Пришепа (Арт.Васильев, 77), Яроцкий, Залеский, Ал.Васильев (Остроух, 36), Чаговец, Сазончик, Насибулин.
Захира: Веремко, Пришивалко, Д.Зинович, Арт.Васильев, К.Зинович, Гурбан, Малашевич.
Огоҳлантиришлар: Мусаханян, 25, Сазончик, 37, Гирс, 45+3, Тве, 48, Атеменге, 74, Садовский, 89.
Четлатиш: Мусаханян, 70 (иккинчи сариқ).
Фикрлар