Бельгияда "янги Азар" етишиб чиқмоқда

“Интер” ва “Милан” Бельгия терма жамоаси аъзосига қизиқиш билдирмоқда

Бельгиянинг “Брюгге” клуби ярим ҳимоячи Шарль де Кателаре Италия А Сериясига ўтиши мумкин. “Goal.com” хабарига кўра, 21 ёшли футболчига “Милан” жиддий қизиқиш билдирмоқда.

“Россонерилар” аллақачон футболчининг агенти билан музокараларни бошлаб юборган. Шунингдек, Миланнинг яна бир гранди "Интер" ҳам де Кателарени қўлга киритишга ҳаракат қилиб кўради.

Ярим ҳимоячи ўтган мавсумда Бельгия чемпионатида 38 ўйин ўтказиб, 14 гол муаллифига айланди ва 8 голга ассистентлик қилган. Transfermarkt портали Шарлнинг нархини 30 миллион еврога баҳоламоқда.

Маълумот ўрнида, ярим ҳимоячи Бельгия терма жамоаси сафида 6 учрашувда майдонга тушиб, 1 та гол уришни уддалаган.