Беллингем 72 йиллик рекордни такрорлади

“Реал”нинг англиялик ярим ҳимоячиси Жуд Беллингем Испания чемпионати доирасида 17-турда “Райо Вальекано” дарвозасини ишғол қилган эди.

Бу Беллингем учун тарихий гол бўлиб чиқди. Гап шундаки, Жуд бу голи билан 72 йиллик рекордни такрорлади.

Беллингем ҳужумчи бўлмай туриб, кетма-кет олтита учрашувда ўз ҳисобига гол ёздириб қўйган “Реал” тарихидаги иккинчи футболчига айланди. Бундан 72 йил муқаддам жамоа ярим ҳимоячиси Роке Ольсен шундай натижа қайд этганди.

Жуд Беллингем Ла Лигада “Райо Вальекано”дан ташқари “Жирона”, “Атлетик”, “Хетафе”, “Леганес” ва “Осасуна” дарвозасини ҳам ишғол қилган.

Агар бу футболчи кейинги турда “Севилья” дарвозасига ҳам йўл топа олса, ҳужумчи бўлмай узлуксиз гол уриш бўйича янги рекорд соҳибига айланади.