Беллингем голини нега шундай нишонлади? "Мен ҳақиқатни биламан"

"Реал Мадрид" ярим ҳимоячиси Жуд Беллингем "Монако"га қарши ўйинда гол ургандан кейинги нишонланишига изоҳ берди.

Чемпионлар лигаси умумий босқичининг 7-турида "Реал" "Монако"ни 6:1 ҳисобида йирик мағлубиятга учратди. Учрашувнинг 80-дақиқасида гол урган Беллингем уни нишонлар экан, гўё рюмкадан ичимлик ичаётгандек ишора қилди. Аввалроқ испаниялик блогер "AuronPlay" англиялик футболчида алкоголь билан боғлиқ муаммолар борлигини айтган эди.

"Одамлар ҳар хил гапиради. Бунинг учун йиғлаш ҳам, хурсанд бўлиш ҳам мумкин. Мен мухлисларга жавоб қайтардим. Ҳақиқатни эса ўзим биламан", — деди Беллингем.

Шунингдек, у "Сантьяго Бернабеу"да мухлислар томонидан айрим футболчиларга нисбатан бўлган ютуқлар ҳақида ҳам фикр билдирди:

"Мен доим айтаман: мухлислар бутун ҳафта ишлайди, бу ерга келиш учун пул тўлайди ва истаган реакцияни билдиришга ҳақли.

Винисиус эса ўзини аъло даражада кўрсатди. Мен унга ҳеч қачон шубҳа қилмаганман. Уни қўллаб-қувватлашса, у янада порлайди. Мухлислар меҳрини ҳис қилганида, у янги даражага чиқди", — деди Беллингем "TNT Sports" эфирида.