Беллингем "Реал"га қанчага тушади?

Дортмунднинг "Боруссия" клуби ярим ҳимоячиси Жуд Беллингем "Реал"га ўтишга яқин. Инсайдер Кристиан Фалкнинг сўзларига кўра, "арилар" ўз футболчиси учун "қироллик клуби"дан 100 миллион евро олади. Яна 20 миллион бонус сифатида тақдим этилади.

"Боруссия" Беллингемни сотишдан 150 миллион евро ишлаб олишни кутганди. Расман трансфер келаси ҳафта элон қилиниши кутилмоқда.

Жорий мавсумда Жуд "Боруссия" билан биргаликда Бундеслига вице-чемпионига айланди. У лиганинг 31 ўйинида майдонга тушиб, саккизта гол урди ва тўртта голли узатмани амалга оширди.