Беллингемнинг қанча муддатга сафдан чиққанлиги маълум бўлди

"Реал Мадрид" клуби ярим ҳимоячиси Жуд Беллингем "Райо Вальекано"га қарши ўйинда (2:1) олган жароҳатидан сўнг тиббий кўрикдан ўтди.

Журналист Хосе Луис Санчеснинг хабар беришича, 22 ёшли англиялик футболчида чап оёқнинг ярим пай мушаги шикастланиши аниқланган. Шу сабабли Беллингем тикланиш учун тахминан бир ой майдонга туша олмайди.

Шу тариқа, ярим ҳимоячи "Реал"нинг бир қатор учрашувларини ўтказиб юборади.

Маълумот учун, у жорий Ла Лига мавсумида 17 та ўйинда майдонга тушиб, 4 та гол ва 3 та ассист муаллифи бўлган.