"Бенфика" Престианнининг дисквалификация қилиниши бўйича апелляция беради

"Бенфика" УЕФАнинг ярим ҳимоячи Жанлука Престианини вақтинчалик дисквалификация қилганига муносабат билдирди. Ўтган ҳафта "Реал" Чемпионлар Лигаси 1/8 финалига чиқиш учун ўтиш ўйинининг дастлабки баҳсида "Бенфика" устидан 1:0 ҳисобида ғалаба қозонганди. Ўйин давомида мадридликлар вингери Винисиус Жуниор ҳакамга Престианни уни "маймун" деб атаганини айтиб, футболка билан оғзини тўсган. "Бургутлар" футболчиси кейинчалик бразилияликни ирқий жиҳатдан ҳақорат қилмаганини айтди. УЕФА ушбу ҳолат бўйича иш қўзғатди.

Бугун, 23 февраль куни УЕФА аргентиналик футболчини вақтинча четлатишга қарор қилганини эълон қилди. У Мадрид клуби билан жавоб ўйинини ўтказиб юборади.

"Бенфика" футбол клуби "Реал"га қарши ўйинда содир бўлган воқеа юзасидан олиб борилаётган тергов доирасида УЕФА Жанлука Престианини бир ўйинга вақтинча четлатиш тўғрисида қарор қабул қилганидан хабардор қилинди.

“Клуб тергов пайтида футболчисини йўқотганидан афсусда ва УЕФАнинг бу қарори устидан апеллятсия беради, гарчи бу Чемпионлар Лигаси плей-оффининг жавоб ўйинини ўтказиш муддатига қандайдир таъсир кўрсатмаса ҳам.

Шунингдек, "Бенфика" ирқчилик ва камситишнинг ҳар қандай кўринишига, тарихий ўзига хослигининг бир қисми бўлган ва кундалик фаолиятида, глобал ҳамжамиятида, "Бенфика" жамғармаси ишида ва Эйсебио каби клуб тарихидаги асосий шахсларда акс этган қадриятларга қарши курашга содиқлигини тасдиқлайди", - дейилади клуб баёнотида.