"Бенфика" Вальверде эпизоди бўйича УЕФАга мурожаат қилди

Португалиянинг "Бенфика" клуби УЕФАга "Реал Мадрид" ярим ҳимоячиси Федерико Вальверде иштирок этган вазият юзасидан расмий шикоят билан мурожаат қилди.

Чемпионлар лигаси 1/8 финали йўлланмаси учун плей-офф босқичи илк учрашувида португалияликлар 0:1 ҳисобида мағлуб бўлишган. Ўйиннинг 82-дақиқасида Вальверде рақиб ҳимоячиси Самуэль Дальга зарба берган, натижада футболчи ерга қулади. Ҳакам уругвайлик футболчини жазоламаган.

Манбаларга кўра, "Бенфика" ушбу эпизодда Вальверде қизил карточка олиши керак эди, деб ҳисобламоқда ва ўз позициясини УЕФАга етказган.