Бензема чарчади!

“Реал” бош мураббийи Карло Анчелотти “Атлетико”га бой берилган учрашувда нега Карим Бензема ва Лука Модрични бошланғич таркибда ўйинга туширмаганини изоҳлади. Ўша учрашувда франциялик ҳужумчи захирада қолдирилди, хорватиялик плеймейкер эса 68-дақиқада баҳсга қўшилди.

- Мавсумнинг қолган қисмига белгиланган вазифа аниқ. Олдимиздаги ўйинларда Чемпионлар лигаси финалигача жанговар формани ушлаб туришимиз керак. Бензема чарчади. У “Атлетико” билан ўйинчигача тиклана олмади. Энг муҳими, жароҳатга йўлиқмаслик. Агар ўйинчи тайёр бўлмаса, ундан фойдалана олмайман.

Лука Модрич ҳам толиқиб қолган. Шунинг учун ҳам иккаласини бошланғич таркибга киритмадим, - деди Карло Анчелотти.

Италиялик мураббий шогирдлари Испания чемпионлигини муддатидан олдин қўлшга киритди. Энди мадридликлар 28 май куни Чемпионлар лигаси финалида “Ливерпуль” билан бош соврин учун рақобатлашади.