Бензема Франция футболи тарихига киришига 1 қадам қолди

"Реал" Мадрид клуби ҳужумчиси Карим Бензема франциялик футболчилар орасида Европанинг кучли бешлик чемпионатларида энг кўп гол уриш бўйича рекордга тобора яқинлашмоқда.

Кеча Ла Лиганинг 36-туридан ўрин олган "Гранада"га қарши баҳсда урилган гол 33 ёшли футболчи учун Лига-1 ва Ла Лигада киритилган 234-гол бўлди.  Карим шу тариқа афсонавий ҳамюрти Тьерри Анридан (233) ўзиб кетди ва бу борада 2-ўринга кўтарилди.

Европа кучли бешлик чемпионатларида энг кўп гол урган франциялик футболчи Бернар Лякомб ҳисобланади. У фаолиятини 1987 йилда якунлаган. Унинг ҳисобида 255 та гол мавжуд.

Бензема ўз голларининг 43 тасини "Лион" сафида, қолган 191 тасини "Реал" сафида киритган.