Бензема "Ман Сити"га қарши режа қандай эканлигини айтди
"Реал" ҳужумчиси Карим Бензема Европа Чемпионлар лигасининг 1/8 финал босқичидан ўрин олган "Манчестер Сити"га қарши баҳс олдидан берилган саволларга жавоб берди.
- "Манчестер Сити" ҳақида нима дея оласиз?
- "Сити" ҳақида нима дейишим мумкин, бу жуда яхши мураббийга эга бўлган яхши жамоа! Бу жамоа тўпни назорат қилади ва кўп, кўп узатмаларни амалга оширишдан қўрқмайди. Тенг кучли ўйин бўлади.
- Сизларда қандайдур алоҳида режа бўладими?
- Йўқ. Бизни режамиз ғалаба қозониш, доим ғалаба қозониш. Биз ўзимиз ҳақимизда ўйлаймиз. Албатта, рақибимизни кузатамиз, ўрганамиз, аммо фақат ўзимиз ҳақимизда ўйлаймиз," - деди Бензема.
Эслатиб ўтамиз, "Реал" 26 февраль куни "Манчестер Сити"ни қабул қилади.
Фикрлар