Бензема Мбаппени ер билан битта қилди

Карим Бензема Килиан Мбаппенинг ПСЖда қолгани борасида фикр билдирди. 

Франциялик ҳужумчи "Реал"га ўтиши кутилаётганди, аммо сўнгги паллада у ПСЖда қолишни танлади ва амалдаги клуби билан 2025 йилга қадар мўлжалланган шартномага имзо чекди. 

"Шанба куни бизни Чемпионлар лигаси финал ўйини кутиб турибди. Шу сабабли, бу каби майда-чуйдалар ҳақида гапиришнинг вақти эмас. Мен жим туришни афзал кўраман, аммо жаҳлим чиқаётгани йўқ. 

Айтишим мумкинки, бор эътиборимни ҳаммасидан муҳимроқ бўлган Чемпионлар лигаси финалига қаратганман", - деди Бензема.