Бензема Мессини ҳимоя қиляпти

“Реал” ҳужумчиси Карим Бензема “Пари Сен-Жермен”да ўйнаётган Лионель Мессини ҳимоя қилди.

- Месси муваффақиятга эриша олмасиги мумкин эмас. Ҳозир у мослашиш даврини ўтаяпти ва шунинг учун кўп гол урмаяпти. Лекин майдонда нималар қилаётганига эътибор беринг.

Нима бўлган тақдирда ҳам бу даражадаги ўйинчини танқид қилиш мумкин эмас. Месси танқид қилаётганлар футболни умуман тушунмайди, - деди Карим Бензема.

Лионель Месси узоқ вақт давомида “Барселона” шарафини ҳимоя қилган ва ашаддий рақиб – “Реал”га қарши жон-жаҳди билан ўйнаган. Ўтган йилнинг августида ПСЖГа кўчиб ўтган аргентиналик ҳужумчи Каталония клубидаги каби кўплаб голлар муаллифи бўлмаяпти.