Бензема "Олтин тўп"ни қўлга киритиш имконияти ҳақида гапирди

“Реал” ва Франция терма жамоаси ҳужумчиси Карим Бензема 2021/22 йилги мавсум якунида “Олтин тўп”ни қўлга киритиш имкониятлари ҳақида гапирди.

"Келинг, нима бўлишини кўрамиз ва овоз бериш натижаларини кутамиз. Мен болалигимдан “Олтин тўп”ни қўлга киритишни орзу қилиб келар эдим, ҳозир эса бу орзуимга эришишга жуда яқин турибман. Кўрамиз", - деди Бензема "L'equipe" нашрига бергани интервьюсида.

Яқинда Бензема УEФА талқини бўйича ўтган мавсумнинг энг яхши футболчиси деб топилди. "Олтин тўп"ни топшириш маросими эса 17 октябр куни бўлиб ўтади.