Бензема “Реал”даги келажагидан шубҳада

“Реал”нинг кейинги йиллардаги энг зўр тўпурари Карим Бензема бу жамоадаги келажаги мавҳум эканини яхши билади.

Франциялик ҳужумчининг амалдаги шартномаси ёзда якунланади. Аввалроқ, томонлар яна бир йиллик келишувга эришгани ҳақида хабарлар чиққан эди. Лекин бу маълумотлар тасдиғини топмади.

Ёши ўтиб қолган ҳужумчи жисмоний ҳолатини юқори даражада ушлаб туришга қийналмоқда. Жорий мавсумда жуда кўп жароҳат олди. Бунинг оқибатида Карим 12 та ўйинда қатнашмади. Ҳатто Франция терма жамоасига жаҳон чемпионатида ҳам ёрдам бера олмади.

Жорий мавсумда Бензема Испания чемпионатида жами 11 та тўп киритди.