Бензема: Роналду кетгани менга ёрдам берди

Мадриднинг “Реал” клуби ҳужумчиси Карим Бензема португалиялик футболчи Криштиану Роналдунинг “қироллик клуби”дан кетиши, ўзининг ўйинига қандай таъсир кўрсатгани ҳақида гапирди.

“Мен дунёдаги энг зўриман деб айта олмайман. Лекин доимо юқори савияда ўйнашга ҳаракат қиламан, чунки бу — “Реал”. Бу жамоанинг мақоми шуни тақозо этади. Мен шунчаки клубга ёрдам беришни хоҳлайман. Футболчи учун ёш муҳим эмас. Асосийси, астойдил меҳнат қилиш керак.

Криштиану менга катта ёрдам берди. У билан бирга ўйнаган пайтда мен кўпроқ ассистентлик қилар эдим. У кетгач, ўзимни кўрсатишга ва жамоа етакчиси бўлишга ҳаракат қилдим. Клубга аввалгидан ҳам кўпроқ нарсани бера олишимни биламан. Мен ўз ўйинимни қайта кўриб чиқишим ва олдинга қадам ташлашим керак эди”, — деди Бензема.