Бензема: Роналду мени табриклагани йўқ!

“Реал” ҳужумчиси Карим Бензема футболчиларнинг энг нуфузли индивидуал соврини “Олтин тўп”га лойиқ топилган эди. Франциялик футболчи ушбу соврин ва ўзининг саломатлиги ҳақида гапирди.

- “Олтин тўп”ни ютмагунимча фаолиятимни тўхтатишни истамасдим. Ҳар доим ўзимга ишонганман, мендаги сифат ва салоҳият билан бир кун келиб, мақсадимга етишимга амин эдим. Шунинг учун ҳам сўнгги тўрт йил давомида “Олтин тўп”ни олишга тинмай даъвогарлик қилдим.

Криштиану Роналду мени соврин билан табриклаганми ёки йўқлигини сўрашмоқда. Ҳали табрикламади.

Ҳозир саломатлигим жойида. Танамда оғриқлар бор эди. Кўп ўйин ўтказганим учун бу табиий ҳол. Ўзимга қарадим, терма жамоа ўйинларигача формамни тиклаб оламан, ҳеч қандай муаммо бўлмайди, - деди Карим Бензема.