Бенземадан яна бир ажойиб натижа

28 август, якшанба куни Испания чемпионатининг 3-туридан ўрин олган “Эспаньол” – “Реал” учрашуви бўлиб ўтди. Учрашув 3:1 ҳисобида мадридликларнинг ғалабаси билан якунланди.

Карим Бензема 88-дақиқада ва 90+8-дақиқаларда гол уриб, дубл қайд этди ва жамоасига ғалаба тақдим этди. Айни пайтда унинг ҳисобида Испания чемпионати доирасида 222 та гол бор. Ҳужумчи бу орқали Ла Лига тарихидаги энг яхши тўпурарлар рўйхатида Сезар Родригес билан тенглашиб, 7-ўринга кўтарилиб олди.

Фақат Альфредо Ди Стефано (227), Рауль (228), Уго Санчес (234), Тельмо Сарра (251), Криштиану Роналду (311) ва Лионель Месси (472) Бенземадан кўпроқ гол киритишган.