Бернарду: "Мен, албатта, келаси мавсумда "Манчестер Сити"да бўламан"

"Манчестер Сити"нинг ҳужумкор ярим ҳимоячиси Бернарду Силва кейинги мавсумда жамоада қолиш-қолмаслигини айтди. Футболчининг "шаҳарликлар" билан шартномаси 2026 йилнинг ёзида тугайди.

"Мен, албатта, келаси мавсумда "Манчестер Сити"да бўламан. Мен қоламан, ўтган йили ҳам, бу йил ҳам вариантларим бор эди, лекин менинг танловим "Манчестер Сити"да қолиш", - дея Силва сўзларини келтиради журналист Бен Жейкобс.

Маълумот учун, Силва 2017 йилдан буён инглиз гранди сафида тўп тепмоқда. Жорий мавсумда у 49та ўйинда 5та гол урди ва 4та голли узатмани амалга оширди.