Бернарду Силва "Барселона"га ўтишдан бош тортиб, бошқа клуб танлади

Испания оммавий ахборот воситалари хабар беришича, трансфер бозорида "Манчестер Сити"дан кетган Бернарду Силва учун кураш қизий бошлади. 

Анчадан бери 31 ёшли плеймейкерни ўз сафига қўшиб олишга ҳаракат қилаётган "Барселона" режасини амалга ошира олмаяпти. Каталонияликлар учун асосий тўсиқ сифатида Мадриднинг "Атлетико" клуби таклифи намоён бўлди.

"Матрасчилар" португалиялик футболчига "Барселона" таклиф қилаётган маошдан икки баробар кўпроғини тўлашга тайёр. Бундан ташқари, унга асосий таркибда доимий ўрин ваъда қилинмоқда. 

As нашри ёзишича, бор-йўғи бир неча кун олдингина Силванинг Каталония клубига ўтиши деярли ҳал бўлган иш сифатида кўрилаётган эди. Томонлар икки йиллик шартнома шартларини муҳокама қилаётган бир пайтда, "Атлетико" аралашуви вазиятни кескин ўзгартириб юборди.