"Beshiktosh" "Bavariya" yarim himoyachisini sotib olmoqchi

"Bavariya" futbolchisi Marsel Sabitser "Beshiktosh" klubiga o‘tishi mumkin, deya xabar bermoqda Turkiyaning "Fanatik" nashri. 

Myunxenliklar yarim himoyachini qo‘yib yuborishga tayyor va bu transferdan 17 million evro ishlab topishni maqsad qilgan. Tez orada "Beshiktosh" "Bavariya" bilan muzokaralarni boshlaydi. 

Sabitser yakuniga etgan mavsumni "Manchester Yunayted"da o‘tkazdi. 29 yoshli futbolchi "qizil iblislar" safida qolishi ham mumkin edi. Ammo rahbariyat boshqa variantlarni ko‘rib chiqishga qaror qildi. 

Eslatib o‘tamiz, Marselning nemis klubi bilan tuzgan shartnomasi 2025 yilgacha amal qiladi. U 2021 yilda "Leyptsig"dan 25 million evroga sotib olingan.