УЕФА расмий сайти ўқувчилари Чемпионлар лигасининг якунланган мавсумида киритилган энг чиройли голни аниқлашди.

Ўтказилган сўровномада “Реал” клуби вингери Гарет Бэйлнинг мусобақа гуруҳ босқичида “Боруссия” Дортмунд дарвозасига киритган голи биринчиликни қўлга киритди. Криштиану Роналдунинг “Ювентус” дарвозасига киритган голи эса иккинчи ўринга лойиқ кўрилди.

Бу борадаги учинчи натижа яна Бэйлга тегишли бўлди. Аниқроғи, унинг финалда “Ливерпуль” дарвозасига киритган голи чиройли голлар ичида учинчи ўринга сазовор бўлди.