Биласизми, Месси фаолияти давомида қайси дақиқада гол урмаган?

Лионель Месси кеча Австралияга қарши кечган ўртоқлик учрашувида фаолиятидаги энг тезкор голини киритди. У иккинчи дақиқадаёқ рақиб дарвозасини ишғол қилди.

Маълум бўлишича, энди Месси фаолияти давомида биринчи дақиқадан ташқари ҳар бир дақиқада гол урган футболчи сифатида қайд этилди.

Эслатиб ўтамиз, Лионель Месси энди фаолиятини МЛСда давом эттиради. 35 ёшли аргентиналик футболчи яқинда "Интер Майами" клубига ўтгани маълум бўлди. У сўнгги икки мавсумни ПСЖда ўтказди.