Бири юлдуз, иккинчиси вундеркинд! “Реал” таркибни ўзгартириш учун икки футболчи танлади

Мадриднинг “Реал” клуби келаси ёз таркибда муайян ўзгаришларга қўл урмоқчи. Охирги йилларда жамоани тарк этган Тони Кросс ва Лука Модричнинг йўқлиги ўйин сифатига таъсир ўтказяпти.

“Реал” раҳбарияти майдон марказида устунликни таъминлаш учун “Пари Сен-Жермен”дан португалиялик ярим ҳимоячи Витиньяни олишни анчадан бери мўлжаллаб юрибди.

Экспертларнинг таъкидлашича, “Қироллик клуби”га бу юлдузни олиш осон бўлмайди.

AS нашрининг хабар беришича, айни пайтда мадридликлар келажакда имзолаши мумкин бўлган бир нечта ёш футболчиларни ҳам белгилаб қўйган. Аммо испан гранди диққатини энг кўп тортган ўйинчи “АЗ Алкмаар”нинг 20 ёшли марказий ярим ҳимоячиси Кес Смитдир.

Мутахассисларнинг фикрига кўра, “Реал” замонавий футбол талабларига жавоб берадиган янги футболчилар билан таркибни кучайтириш зарурлигини тушуниб етган ва айнан мана шу йўналишда ишлай бошлади.