Бизга Неймар керакмас!

“Пари Сен-Жермен” мутасаддилари бразилиялик Неймарни “Манчестер Сити”га таклиф қилди, деб хабар тарқатди Le Parisien нашри.

Манбанинг таъкидлашича, Англия премьер-лигаси чемпиони тНеймар бўйича музокара бошлашдан бош тортди.

Маълумотларга қараганда, Хосеп Гвардиола жамоанинг ҳужум чизиғидан мамнун ва унга бошқа ўйинчи керак эмас. Бундан ташқари, мураббийлар штаби Неймарни олиш орқали жамоадаги баланслар ўзгариши юз беришини истамаяпти. Шунинг учун манчестерликлар тажрибали ҳужумчини олиш имкониятини кўриб чиқмайди.

Неймар 2017 йилдан бери ПСЖ сафида тўп тепмоқда. Парижликлар уни “Барселона”дан 222 миллион евро эвазига сотиб олган. Неймар Франция чемпиони сафида жами 144 марта майдонга тушиб, 100 та гол ва 60 таассист муаллифи бўлган.