Бизга Роналду ҳам, Кавани ҳам керак эмас!

“Манчестер Юнайтед” бош мураббийи Ральф Рангник жамоага ғалабани таъминлай оладиган янги тўпурар кераклигини таъкидламоқда. Германиялик мутахассис 37 ёшли Роналду ва 34 ёшли Кавани ўрнига ёш ҳужумчи олишни истаяпти.

- Бу аниқ кўриниб турибди. Каванининг шартномаси ёзда тугайди. Унинг ўрнига ёш ҳужумчи топишимиз керак, - деди Ральф Рангник.

Шунингдек, Криштиану Роналду ҳам ёзда клубни тарк этиши мумкин. Қолаверса, португалиялик тўпурарнинг голсиз серияси бешта учрашувга етди ва у илгариги сермаҳсуллигини намойиш эта олмаяпти.