«Бизни қандай баҳолашлари аҳамиятсиз» -Де Йонг Япония билан ўйин ҳақда

Жаҳон чемпионати – 2026 мусобақасининг гуруҳ босқичи биринчи туридан сўнг Нидерландия терма жамоаси ярим ҳимоячиси Френки де Йонг матбуот вакиллари билан фикр алмашди. Унинг жамоаси Япония терма жамоасига қарши майдонга тушиб, кескин курашда 2:2 ҳисобида дуранг қайд этди.

«Жаҳон чемпионатида ўз юртим шарафини ҳимоя қилаётганимдан жуда фахрланаман. Олдинда биз учун нима кутяпти – шуни катта ҳаяжон ва интиқлик билан кутяпман.

Биз учун бошқаларнинг баҳоси муҳим эмас. Барча жамоалар сингари бизнинг ҳам асосий мақсадимиз – жаҳон чемпиони бўлиш. Шу йўлда қодир бўлган барча ишни қиламиз», – дея де Йонгнинг сўзларини келтиради Mundo Deportivo.

Эслатиб ўтамиз, ЧМ–2026 гуруҳ босқичининг кейинги турларида Нидерландия терма жамоаси 20 июнь куни Швеция, 26 июнь куни эса Тунис терма жамоаларига қарши баҳс олиб боради.