Боатенгни собиқ устози ўз жамоасига олиб кетмоқчи

“Бавария” билан шартномаси якунига етиб бораётган ҳимоячи Жером Боатенг фаолиятини Франция чемпионатида давом эттириши мумкин.

Италиялик инсайдер Николо Скиранинг маълум қилишича, 32 ёшли германиялик футболчининг хизматларига “Монако” жиддий қизиқиб қолган. Улар Боатенгга 2 йиллик шартнома таклиф қилишмоқда.

Бундан аввалроқ, айрим нашрлар Жеромга “Лацио”дан таклифлар бўлаётгани ҳақида ёзишган эди.

Боатенг “Бавария” сафида 2011 йилдан буён тўп суриб келмоқда. У жорий мавсум Бундеслигада жами 29 та ўйинда майдонга тушди ва 1 та гол ҳамда 1 та голли узатмага муаллифлик қилди.

Эслатиб ўтамиз, "Монако"ни айни дамда "Бавария"нинг собиқ устози Нико Ковач бошқармоқда.