Златан Иброҳимович Роналдунинг Ўзбекистон билан ўйиндан кейинги "қилиғи"ни тушунмади

Швеция терма жамоасининг собиқ юлдуз ҳужумчиси Златан Иброҳимович Жаҳон чемпионати–2026 доирасида Криштиану Роналду билан боғлиқ вазиятга муносабат билдирди. 

Португалия терма жамоаси етакчиси Ўзбекистонга қарши ўйинда (5:0) йирик ҳисобдаги ғалабадан сўнг камера томон қараб, жуда ҳиссиёт билан «Мен қайтдим!» дея бақирган эди.

«Менимча, у умуман кетмаганди. Нима учун «мен қайтдим» деяётганини тушунмайман», – деди Иброҳимович FOX Soccer эфирида чиқиш қилар экан.

Мазкур ғалабадан сўнг Португалия 4 очко тўплади. Ўзбекистон эса ҳозирча очко ололмаган. Роберто Мартинес шогирдлари гуруҳ босқичини 28 июнь куни Колумбияга қарши баҳс билан якунлайди.